06.06.2024-cü il tarixində Zərdab Rayon İcra Hakimiyyətində “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın 5.1. -ci bəndinə uyğun olaraq tədbir keçirilib

2024-cü il 06 iyun tarixində Zərdab Rayon İcra Hakimiyyətində rayon ərazisində fəaliyyət göstərən vətəndaş cəmiyyəti institutları ilə səmərəli əməkdaşlıq nəticəsində “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın 5.1. -ci bəndinə uyğun olaraq  korrupsiyaya qarşı mübarizə mövzusunda geniş maarifləndirmə işinin aparılması ilə əlaqədar müvafiq tədbir keçirilmişdir.

Tədbirdə Zərdab Rayon İcra Hakimiyyətinin əməkdaşları və kənd icra nümyəndələri, Rayon Ağsaqqallar Şurasının və Rayon İcra Hakimiyyəti yanında İctimai Şuranın sədri Rasim Hüseynov, “Əkinçi” qəzetinin redaktoru İsaməddin Əhmədov, “Gəncliyə dəstək” İB sədri Vəfa Xəlilli, Qarabağ Müharibəsi Əlilləri, Veteranları və Şəhid ailələri İB-nin rayon şöbəsinin sədri Neman Yediyarov, “Region Gənclərinin İnkişafına Töhfə” İB əməkdaşı Çiyələk İsmayılova iştirak etmişdir.

Zərdab Rayon İcra Hakimiyyətinin əməkdaşı Tural Nağıyev çıxışında “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” çərçivəsində görülən işlər, korrupsiyaya qarşı mübarizə sahəsində dövlət orqanları ilə vətəndaş cəmiyyətləri arasında birgə əməkdaşlığın gücləndirilməsi, həyata keçirilən layihələrin əhəmiyyətindən danışaraq dövlət qurumlarının fəaliyyətində şəffaflığın daha da artırılmasının, korrupsiyaya şərait yaradan halların qarşısının alınmasının, korrupsiyaya qarşı mübarizə ilə bağlı görülən tədbirlərin davamlılığının təmin edilməsinin vacibliyini qeyd edib.

Rayon Ağsaqqallar Şurasının, Rayon İcra Hakimiyyəti yanında İctimai Şuranın sədri Rasim Hüseynov və digər iştirakçılar çıxış edərək Azərbaycanda vətəndaş cəmiyyətinin korrupsiyaya qarşı mübarizədə fəal iştirak etdiyini, qanunvericiliyin formalaşdırılmasına cəlb olunmasının önəmini xüsusi vurğulayıblar. Həmçinin korrupsiyaya qarşı mübarizədə inzibati-profilaktik tədbirlərlə yanaşı, maarifləndirmə və təbliğat işinə də ciddi fikir verməyin zəruri olduğu bildirilib.

Tədbirin sonunda Rayon İcra Hakimiyyəti ilə vətəndaş cəmiyyəti institutları arasında birgə əməkdaşlıq nəticəsində korrupsiyaya qarşı mübarizənin genişləndirilməsi mövzuda tədbirlərin davamlı olaraq həyata keçirilməsi müzakirə edilmişdir.