"Cənab Prezident, Siz Qarabağ problemini kökündən həll etməklə, gələcək nəsillərə alnıaçıq, qürurlu, məğrur bir dövlət bəxş etdiniz"
Əziz və hörmətli Prezidentimiz,
Azərbaycan xalqına böyük sevinc bəxş etdiyiniz üçün Sizə minnətdarlığımı bildirirəm. Sizə Allahdan uzun ömür, cansağlığı və həmişə Azərbaycan dövlətinin başçısı olmağınızı arzu edirəm.
Siz Azərbaycan xalqına yaşatdığınız bu zəfərlə 200 il əvvəl torpaqlarımızı zəbt edən bədnam qonşularımıza elə bir dərs verdiniz ki, bundan bir neçə əsr sonra da yadlarından çıxmayacaq.
Cənab Prezident, Siz Qarabağ problemini kökündən həll etməklə, gələcək nəsillərə alnıaçıq, qürurlu, məğrur bir dövlət bəxş etdiniz. Bu tarixi və möhtəşəm qələbəniz əsrlər boyu unudulmayacaq.
Sizə uzun ömür, cansağlığı və daim Azərbaycan xalqının və dövlətinin başının üstündə olmağınızı arzu edirəm.
Hörmətlə,
Talıbov Mürşüd
Azərbaycan Respublikası, Zərdab rayonu, Alıcanlı kəndi.
