11.02.2023-cü il tarixdə millət vəkili Jalə Əliyeva seçiciləri ilə növbəti görüşünü keçirib
Görüşdə də millət vəkili qəbula gələn vətəndaşları, qazi və şəhid ailələrini ayrı-ayrılıqda qəbul edərək, onları narahat edən məsələləri dinləyərək, yaxından tanış olub. Vətəndaşların qəbulu zamanı seçicilərlə fərdi qaydada görüşən Millət vəkili Jalə Əliyeva ilə birlikdə, Rayon icra hakimiyyəti başçısının müavini Xəyalə Veyisova, ƏƏSMN-nin Zərdab şöbəsinin məsul şəxsi Nuridə Məmmədova və Millət vəkilinin köməkçisi Firdosi Eyvazov iştirak etmişdir. Təhsil, sosial, hüquqi və tibbi yardımların göstərilməsi, mənzil-məişət şəraitinin yaxşılaşdırılması, özlərinin və ya ailə üzvlərinin işlə təmin edilməsinə köməkliyin göstərilməsi kimi müraciətlərin bir çoxu yerindəcə öz həllini tapıb. Səsləndirilən bəzi müraciətlərin araşdırılması və tez bir zamanda həll olunması üçün, qeydlər götürülərək, bununla bağlı aidiyyatı qurumlara məlumat veriləcəyi diqqətə çatdırılıb. Şəhid ailələri və qazilərin qayğıları ilə ətraflı maraqlanan Jalə Əliyeva onları narahat edən problemlərin və qayğıların aradan qaldırılması üçün hər zaman hazır olduqlarını ifadə edib. Səmimi qəbul vətəndaşlar tərəfindən müsbət qarşılanıb.
