88 və 89 yaşlı Zərdab sakinlərinə peyvənd vurulub
24 iyun 2021 | 16:00
Koronavirus pandemiyasının qarşısının alınması məqsədilə ölkəmizdə həyata keçirilən vaksinasiya tədbirləri çərçivəsində bütün bölgələrdə olduğu kimi Zərdab rayonunda da əhalinin COVID-19 infeksiyasına qarşı peyvənd olunması prosesi uğurla davam edir. Bu günədək 18 yaşdan yuxarı rayon sakinlərinin 35 faizə qədəri vaksinasiya prosesində iştirak edib.
Bu gün rayonun Gödəkqobu kənd sakinləri, 1932-ci il təvəllüdlü Əhədova Meyxanım İbad qızına və 1933-cü il təvəllüdlü Əhədov İslam Əsgər oğluna peyvənd vurulub. Sakinlər özlərini normal hiss etdiyindən onlar evə buraxılıb.
Özümüzün, yaxınlarımızın və ətrafımızdakı insanların sağlamlığını düşünərək rayon əhalisini vaksinasiya prosesində fəal iştirak etməyə çağırırıq.
Keçidlər
