Professor Çingiz Cərullazadə rayonumuzda
2009-cu ildən etibarən hər il görkəmli oftalmoloq alim, tibb elmləri doktoru Zərifə xanım Əliyevanın doğum günü ərəfəsində Zərdab rayonunda xeyriyyəçilik aksiyası keçirilir. 19-20 may 2012-ci il tarixlərdə tibb elmləri doktoru professor Çingiz Cərullazadənin rəhbərliyi ilə 5 nəfərdən ibarət həkim briqadası Zərdab rayonunda növbəti xeyriyyəçilik aksiyası keçirmişdir. Həkimlər 100 nəfərə qədər xəstənin gözlərini müayinə və müalicə etmişlər, 31 nəfər xəstənin gözü əməliyyat olunmuşdur. O cümlədən 10 nəfər şəhid və Qarabağ əlili ailəsinin üzvlərinin gözləri pulsuz əməliyyat edilmişdir. Artıq 4-cü ildir ki, keçirilən bu aksiya hər il davam etdiriləcəkdir. 19 may 2012-ci il tarixdə Rayon Mərkəzi Xəstəxanasında professor Çingiz Cərullazadə ilə görüş keçirilmişdir. Görüşdə Zərdab Rayon İcra Hakimiyyətinin başçısı cənab Lütvəli Babayev çıxış etmişdir.
