18.01.2025-ci il tarixdə “Məişət zorakılığı”, “Milli-mənəvi və ailə dəyərlərinin təbliğində təhsilin önəmi” mövzularında müəllimlər, valideynlər və məktəblilərin iştirakı ilə maarifləndirmə tədbiri keçirilib
18.01.2025-ci il tarixdə Zərdab Rayon İcra Hakimiyyətinin, Uşaq və Ailələrə Dəstək mərkəzinin, Zərdab rayon Qeydiyyat şöbəsinin birdə təşkilatçılığı ilə müəllim, valideyn və şagirdlərin iştirakı ilə Əlvənd kəndində “Məişət zorakılığı”, “Milli-mənəvi və ailə dəyərlərinin təbliğində təhsilin önəmi” mövzularında tədbir keçirilib.
Tədbirdə zorakılıq nədir, məişət zorakılığının növləri, problemlərlə mübarizə və onların həlli yolları, müraciət ediləcək ünvanlar, bu sahədə beynəlxalq və yerli səviyyədə qəbul edilən normativ hüquqi aktlardan bəhs edilib. Həmçinin ailə və cəmiyyətdə qadınların rolu, Azərbaycanda insan hüquqları, xüsusilə də qadın hüquqlarının müdafiəsi istiqamətində həyata keçirilən sistemli siyasət haqqında məlumat verilib. 21-ci əsrdə qloballaşma dediyimiz prosesin mənfi təzahürlərinin xalqımızın milli-mənəvi dəyərlərinə müxtəlif formalarda, gizlin və aşkar şəkildə təcavüz etməsi, onu məhv etməyə, sıradan çıxarmağa çalışması, sosial-mənəvi mühitin saflığının qorunması üçün keçmişdən gələn ailə dəyərlərimizə sadiqliyin əhəmiyyəti barədə danışılıb.
