ZƏRDAB RAYON MƏŞĞULLUQ MƏRKƏZİNDƏ DƏYİRMİ MASA

08 may 2014-cü il tarixdə Zərdab rayon Məşğulluq Mərkəzində “Sosial  müdafiəyə xüsusi ehtiyacı olan və işə düzəlməkdə çətinlik çəkən vətəndaşlar üçün kvota tətbiq edilməsi  Qaydaları” barədə işəgötürənlərin  məlumatlandırılması  və qeyd olunan əhali kateqoriyasının məşğulluğunun təmin edilməsi  sahəsində işəgötürənlərin iştirakı” mövzusunda dəyirmi masa keçirildi.  Tədbirdə Rayon İcra Hakimiyyətinin əməkdaşları, həmkarlar  ittifaqı təşkilatının  nümayəndələri,  məktəb direktorları, müəssisə rəhbərləri, Zərdab rayon İcra Hakimiyyəti Başçısının inzibati ərazi dairələri üzrə nümayəndələri iştirak etdilər.
Zərdab rayon Məşğulluq Mərkəzinin direktoru Ədalət Rəhimov çıxış edərək    bildirdi ki, Dövlət Məşğulluq siyasətinin əsas icraçısı Məşğulluq Xidməti orqanları olsa da, müvafiq qanunvericilik  bu sahədə işəgötürənlərin də üzərinə müəyyən öhdəliklər qoyur. “Məşğulluq Haqqında” Qanuna əsasən işəgötürənlər məşğulluğa dair statistika hesabatı təqdim  etməklə “Sosial  müdafiəyə xüsusi ehtiyacı olan və işə düzəlməkdə çətinlik çəkən vətəndaşlar” üçün  müəyyən olunmuş kvota yerlərinə  həmin kateqoriyadan olan vətəndaşların işə düzəldilməsinə köməklik göstərməklə işəgötürənlərin Dövlət Məşğulluq siyasətinin həyata keçməsində bilavasitə iştirakçı olurlar.
Çıxış edənlər belə tədbirin keçirilməsinin vacibliyini vurğuladılar və “Məşğulluq Haqqında” Qanunun tələbləri baxımından hesabatları vaxtında, düzgün  və tam olaraq təqdim edəcəklərini, sosial  müdafiəyə xüsusi ehtiyacı olan və işə düzəlməkdə çətinlik çəkən vətəndaşların məşğulluğunun təmin edilməsi sahəsində  səlahiyyətləri daxilində  köməklik edəcəklərini bildirdilər.