29 dekabr 2022-ci il tarixdə Dünya Azərbaycanlılarının Həmrəyliyi Günü və Yeni il münasibətilə Vətən müharibəsi əlilləri və valideyn himayəsindən məhrum olmuş uşaqlarla görüş keçirilib
Rayon İcra Hakimiyyətində Vətən müharibəsi əlilləri və valideyn himayəsindən məhrum olmuş uşaqlarla rayon rəhbərliyinin görüşü keçirilib. Görüşdə çıxış edən Zərdab Rayon İcra Hakimiyyətinin başçısı cənab Mərdan Camalzadə sosial müdafiəyə ehtiyacı olan vətəndaşlara göstərilən dövlət qayğısından söhbət açıb, tədbir iştirakçılarını Dünya Azərbaycanlılarının Həmrəyliyi Günü və Yeni il münasibətilə təbrik edib. Tədbirdə Vətən müharibəsi əlillərinə və valideyn himayəsindən məhrum olmuş uşaqlara bayram hədiyyəsi və maddi yardımlar verilib. Tədbir iştirakçıları göstərilən diqqət və qayğıya görə Prezident cənab İlham Əliyevə, birinci vitse-prezident Mehriban xanım Əliyevaya və rayon rəhbərliyinə öz minnətdarlıqlarını bildiriblər. Sonda tədbir iştirakçıları ilə xatirə şəkili çəkilib.
