ZƏRDABDA DÖVLƏT BAYRAĞI GÜNÜ QEYD OLUNUB

Dövlət Bayrağı günü münasibəti ilə Zərdab rayon ictimaiyyəti  Ulu Öndər Heydər Əliyevin abidəsi önünə tər güllər düzüb, müstəqilliyimizin möhkəmlənməsində, dönməz xarakter almasında əvəzsiz xidmətləri olan Ümummilli liderimizin xatirəsini ehtiramla yad edib. Zərdablı məktəblilərin dövlət atributlarına həsr etdikləri əl işlərindən ibarət sərgiyə və divar qəzetlərinə baxış keçirilib.
Heydər Əliyev mərkəzində keçirilən bayram  tədbirində “Azərbaycan bayrağı” adlı film nümayiş etdirilib. Zərdab  Rayon İcra Hakimiyyətinin başçısı cənab Lütvəli Babayev  dövlət rəmzlərimizə olan sonsuz el məhəbbətindən danışıb. Bildirib ki, ölkəmiz  müstəqilliyini bərpa etdikdən sonra Azərbaycanın dövlət bayrağı milli suverenliyin simvolu kimi Azərbaycanın  bütün vətəndaşları üçün müqəddəs dövlətçilik rəmzlərindən birinə çevrilib. Rayon rəhbəri vurğulayıb ki, dövlət rəmzlərinin təbliği və ictimaiyyət tərəfindən mənimsənilməsi Ümummilli liderimiz Heydər Əliyevin məqsədyönlü fəaliyyəti nəticəsində mümkün olub. Tədbirdə o da diqqətə çatdırılıb ki, dövlət bayrağının təbliği, məzmun və mahiyyətinin aşılanması Zərdabda daim diqqət mərkəzində saxlanılır. Rayonda bayraq meydanının yaradılması, ətrafının abadlaşdırılması bu baxımdan mühüm əhəmiyyət kəsb edir. Toplantıda çıxış edən digər natiqlər 9 noyabr tarixinin bayraq günü kimi təsis edilməsinin əhəmiyyətini vurğulayıblar. Bayram tədbirində Prezident  Administrasiyasının məsul işçisi İbrahim Mustafayev iştirak edib.