ZƏRİFƏ XANIM ƏLİYEVANIN XATİRƏSİ YAD EDİLİB
12 aprel 2013-cü il tarixdə Zərdab rayon Heydər Əliyev Mərkəzində görkəmli oftalmoloq alim, akademik Zərifə xanım Əliyevanın 90 illik yubileyi münasibətilə “Ən böyük zirvə” adlı tədbir keçirilib.
Rayon ictimaiyyəti nümayəndələri, müəllimlər və məktəblilərin iştirak etdiyi tədbirdə çıxış edən Gəlmə kənd tam orta məktəbinin müəllimi, “Əməkdar müəllim” Şəmsiyyə Həsənova, Uşaq İncəsənət Məktəbinin direktoru Nicat Əlifi, İsaqbağı kənd körpələr evi-uşaq bağçasının müdiri Röya İsmayılova, YAP Zərdab rayon təşkilatının təlimatçısı Elçin Abdullayev, Rayon Mərkəzi Kitabxanasının əməkdaşı Rəqibə Qasımova, şəhər 1 saylı məktəb-liseyin müəllimi Şəhla Eminova görkəmli alimin keçdiyi mənalı həyat yolundan danışıb, onun mehriban ömür-gün yoldaşı, qayğıkeş ana olmasını xüsusilə qeyd ediblər.
Tədbirdə rayon məktəblilərinin ifasında anaları, qadınları vəsf edən şeirlər səslənib.
Sonda rayon məktəblilərinin əl işlərindən ibarət rəsm sərgisinə baxış keçirilib.
