8 Noyabr - Zəfər günü" münasibətilə "Dəmir iradə" adlı intellektual yarışın rayon çempionatının final turu keçirilib
05 noyabr 2024 | 19:04
Noyabr ayının 5-də Zərdab Rayon İcra Hakimiyyətinin 8 noyabr - Zəfər günü ilə əlaqədar tədbirlər planına uyğun olaraq Zərdab Gənclər evi SXM-in və Zərdab rayonu üzrə Təhsil Sektorunun birgə təşkilatçılığı ilə "8 Noyabr - Zəfər günü" münasibətilə "Dəmir iradə" adlı intellektual yarışın rayon çempionatının final turu keçirilib. İlk öncə Ümummilli Lider Heydər Əliyevin və ərazi bütövlüyümüz uğrunda canlarından keçmiş şəhidlərimizin ruhu bir dəqiqəlik sükutla yad edilib. Daha sonra Zərdab Gənclər evi SXM-in direktoru Jalə Kərimli çıxış edərək Zəfər bayramı münasibətilə hər kəsi təbrik edib, finala vəsiqə qazanmış bütün komandalara uğurlar arzulayıb. Final turunda, keçirilmiş dörd turun nəticələrinə əsasən 8 komanda mübarizə aparıb. Gərgin və bir o qədər də maraqlı anlarla diqqət çəkən yarışda İsaqbağı kənd tam orta məktəbinin "İsaqbağı" komandası 15 xalla 1-ci, Yarməmmədbağı bağı kənd tam orta məktəbinin "Viktoriya" komandası 14 xalla 2-ci, Əlibəyli kənd tam orta məktəbinin "Qarabağ" komandası 13 xalla 3-cü yeri tutub. Qalib gəlmiş komandalar, kubok, medal və sertifikatlarla mükafatlandırılıb.
Keçidlər
