“8 Noyabr - Zəfər Günü" münasibətilə keçirilən mini futbol üzrə rayon turnirinə yekun vurulub
“8 Noyabr - Zəfər Günü" münasibətilə Zərdab rayonu üzrə gənclər və idman sektorunun təşkilatçılığı ilə müəssisə, təşkilat, İƏD üzrə nümayəndəliklər və bələdiyyələr arasında keçirilən mini futbol üzrə rayon turnirinə yekun vurulub. 10 komandanın mübarizə apardığı, 11 noyabr 2024-cü il tarixdən start götürmüş çempionatın 03 dekabr 2024-cü il tarixdə keçirilmiş final oyununda "Üfüq" və "Madinah" komandaları üz-üzə gəlib. "Madinah" komandası 3-1 hesabı ilə üstün olaraq turnirin qalibi olub. Turnirin bağlanışında Mərkəzi Aran Regional Gənclər və İdman idarəsinin rəis müavini Kamal Nəcəfli, idarə əməkdaşları və şəhid valideyinləri çıxış edərək idmançılara uğurlar arzu ediblər. Turnirdə 1 və 2-ci yeri tutmuş komandalara, o cümlədən müxtəlif nominasiyalar üzrə fərqlənmiş oyunçulara və komandalara Mərkəzi Aran Regional Gənclər və İdman idarəsinin kubok və diplomları təqdim olunub.
