"Allah qoysa, qələbə bizimlədir. Bu fürsəti əldən vermək olmaz."
12 oktyabr 2020 | 16:00
Möhtərəm Prezident, cənab Ali Baş Komandan.
Sizin torpaqlarımızın azad edilməsi ilə bağlı verdiyiniz göstərişləri alqışlayırıq. Bəzi xarici ölkələrin təzyiqlərinə sinə gərərək xalqın arxasında dayanmağınıza görə çox sağ olun.
Mənim 81 yaşım var, sürücü olmuşam, bütün işğal olunmuş əraziləri çox gözəl tanıyıram. Lazım gələrsə, düşmənə qarşı döyüşə də gedərəm.
Allah Sizi və bütün əsgərlərimizi qorusun.
Bu günlərdə Gəncəyə gedərkən könüllülərin həvəslə döyüşə getdiklərini görürəm. Mən onlarla fəxr edirəm. Bütün Azərbaycan xalqının və Sizin qarşınızda baş əyirəm. Allah qoysa, qələbə bizimlədir. Bu fürsəti əldən vermək olmaz.
Hörmətlə,
Mustafa Mustafayev
Azərbaycan Respublikası, Zərdab rayonu.
Keçidlər
