Azərbaycan Respublikasının Milli Məclisinin deputatı Jalə Əliyeva Zərdab rayonunun Dəli Quşçu və Qaravəlli kəndlərində növbəti vətəndaş qəbulu və seçicilərlə görüş keçirib.

Görüş rayonun Dəli Quşçu və Qaravəlli kəndlərində baş tutub. Dəli Quşçu kəndində görüşdən öncə kənd şəhidlərinin xatirəsinə ucaldılmış xatirə kompleksini ziyarət edilmiş, abidənin önünə çiçək dəstəsi düzülmüş və şəhidlərin ruhuna dualar oxunmuşdur. Dəli Quşçu kəndində yeni tikilmiş və ötən tədris ilində istifadəyə verilmiş orta məktəbdə baş tutan qəbulda öncə, iştirakçılara ölkəmizdə gedən nəhəng qıuruculuq işlərindən, böyük inkişafdan, beynəlxalq uğurlarımızdan və Azərbaycanın hər bir bölgəsində, hər bir şəhər və kəndində həyata keçirilən layihələrin vacibliyindən danışılmışdır. Bu quruculuq işlərinin Zərdab rayonunda da əhəmiyyətli müsbət dəyişikliklərə səbəb olduğunu, rayonun sürətlə abadlaşdığını diqqətə çatdırılmış, həmin layihələrin arxasında dayanan dövlətimizin qayğısı və diqqəti vurğulanmışdır. Sonra qəbul iştirakçılarının müraciətləri və təklifləri dinlənilmişdir. Müraciətlərdə Dəli Quşçu kəndində Zərdab-Mollakənd yolu ilə kəndi birləşdirən ana yolun əsaslı təmiri, kəndlərdə tibb məntəqələrinin daha effektiv fəaliyyət göstərməsi üçün tədbirlər görülməsi, Qaravəlli kəndində çəkilişi başladılan, lakin tamamlanmayan elektrik xətlərinin bərpa işlərinin sürətləndirilməsi, kəndlərdə yeni körpələr evi-uşaq bağçasının tikintisinə köməklik göstərilməsi, kəndin əkin sahələrinə xidmət edən asma beton su kanallarının bəzi hissələrinin təmir olunması, kəndarası su kanallarının təmizlənməsi üçün vasitə ayrılması və s. məsələləri qeyd edilmişdir. Qaldırılan məsələlərin  həlli ilə bağlı əlaqədar dövlət qurumlarının rəhbərliyi ilə danışılaraq mövcud vəziyyəti diqqətlərinə çatdırılmışdır.