Novruz bayramı münasibətilə şəhid ailələri, Vətən müharibəsi əlilləri və valideyn himayəsindən məhrum olmuş uşaqlarla görüş keçirilib
Zərdab Rayon İcra Hakimiyyətində Novruz bayramı münasibətilə şəhid ailələri, Vətən müharibəsi əlilləri və valideyn himayəsindən məhrum olmuş uşaqlarla rayon rəhbərliyinin görüşü keçirilib. Görüşdə çıxış edən Zərdab Rayon İcra Hakimiyyətinin başçısı Mərdan Camalzadə sosial müdafiəyə ehtiyacı olan vətəndaşlara göstərilən dövlət qayğısından söhbət açıb, tədbir iştirakçılarını Novruz bayramı münasibətilə təbrik edib. Tədbirdə 9 nəfər Şəhid ailəsinə, 8 nəfər Vətən müharibəsi əlilinə və 13 nəfər valideyn himayəsindən məhrum olmuş uşaqlara maddi yardımlar verilib. Tədbir iştirakçıları göstərilən diqqət və qayğıya görə Prezident cənab İlham Əliyevə, birinci vitse-prezident Mehriban xanım Əliyevaya və rayon rəhbərliyinə öz minnətdarlıqlarını bildiriblər.
