Ulu Öndər Heydər Əliyevin 100 illik yubleyi münasibətilə "Əbədi yaddaşlarda yaşayan lider" devizi ilə idman festivalı, yaradıcı gənclərin rəsm və əl işlərindən, o cümlədən kitablardan ibarət sərgi, istedadlı gənclərin iştirakı ilə konsert proqramı təşkil olundu

Mayın 5-də Zərdab Rayon İcra Hakimiyyətinin, Gənclər və İdman idarəsinin, Gənclər evi SXM-nin və Uşaq İncəsənət məktəbinin birgə təşkilatçılığı ilə Heydər Əliyev Parkında "Əbədi yaddaşlarda yaşayan lider" devizi ilə yaradıcı gənclərin rəsm və əl işlərindən, o cümlədən kitablardan ibarət sərgi, idman festivalı, istedadlı gənclərin iştirakı ilə konsert proqramı təşkil olundu. İlk öncə Ulu Öndər Heydər Əliyevin və ərazi bütövlüyümüz uğrunda canlarından keçmiş şəhidlərimizin əziz xatirəsi bir dəqiqəlik sükutla yad edildi. Tədbirdə Yeni Azərbaycan Partiyası Zərdab rayon təşkilatının sədri İlkin Əliyev, Zərdab rayon İcra Hakimiyyətinin əməkdaşları Murad Həsənov, Tural Nağıyev, Kamil Məmmədov, Aysunə Arifli, Gənclər və İdman idarəsinin rəisi Ələkbər Kərimov, Gənclər evi SXM-nin direktoru Jalə Kərimli, Uşaq İncəsənət Məktəbinin direktoru Nicat Əlifi iştirak və çıxış etdilər. Daha sonra ümumtəhsil məktəbləri, körpələr evi-uşaq bağçaları, mədəniyyət müəssisələri, Gənclər və İdman idarəsi, Gənclər evi SXM, Heydər Əliyev Mərkəzi, mərkəzi kitabxana tərəfindən hazırlanmış, Ulu Öndər Heydər Əliyevin həyat fəaliyyətindən bəhs edən kitablar, foto şəkillər, rəsm və əl işləri nümayiş olundu. Tədbir çərçivəsində təşkil olunmuş idman festivalında cüdo, sərbəst güləş, alpaqut, stolüstü tennis, şahmat, voleybol, qolgüəşi idman növləri üzrə nümunəvi çıxışlar təqdim olundu. Uşaq İncəsənət Məktəbi tərəfindən təşkil olunmuş konsert proqramında məktəbin müəllimlərindən ibarət xor kollektivinin ifası, müxtəlif rəqs və musiqi nömrələri, solo ifalar, həmçinin mahnılar iştirakçıların diqqətinə çatdırıldı.